ശിലാ ശില്പങ്ങളും
ഗുഹകളും തേടിപ്പോകുന്ന
ഒരു സഞ്ചാരിയെ പിടിച്ചു കെട്ടി
മീനും മലക്കറി യും വാങ്ങാന് ചന്തയിലേക്ക്
പോകുകയാണ്
നമ്മളില് നമ്മള്
തേനീച്ച കളോ ചിത്രശലഭങ്ങലോ
പൂക്കളിലേക്ക്
പറക്കുമ്പോള്
ശിലാശില്പ്പങ്ങളും
ഗുഹകളും തേടിപ്പോകുന്ന സഞ്ചാരി
നമ്മളില് നിന്ന് കെട്ടഴി ഞ്ഞു
തോള് സഞ്ചി എടുത്തു
യാത്ര ചോദിക്കും
അപ്പോള്
തേനീച്ചകള്
ഒരു പൂവില് ശില്പ ഭംഗി ആസ്വദിക്കുകയും
അതേ പൂവില് ഗുഹാ സഞ്ചാരം നടത്തുകയും ചെയ്യും
യാത്ര അനിവാര്യമെന്ന്
പടിക്കെട്ടുകളിറങ്ങുമ്പോള്
പിഴച്ചല്ലോ
പല വ്യഞ്ജനങ്ങള്
വാങ്ങേണ്ട സഞ്ചി മാറിപ്പോയല്ലോ
തുണ്ടു മറന്നല്ലോ
എന്നെല്ലാം
ഒരു പിന്വിളി
ഒതുക്കുകള് ഇറങ്ങി വന്നു
നമ്മളെ വട്ടം പിടിക്കും
സഞ്ചാരിയെ കെട്ടിയിട്ടു
നമുക്കാകെ ചെയ്യാനാവുക
പല വ്യഞ്ജനങ്ങള്
വാങ്ങി വന്നതിനു ശേഷം
പൂക്കളെ നോക്കിയിരുന്നു
ഒരു വെള്ളച്ചാട്ടത്തിന്റെ
പടം വരയ്ക്കുക എന്നതാണ്
മടാ പൊട്ടി ഒഴുകുന്ന
കൈ തോട്ടിലെ വെള്ളം
വികസിപ്പിച്ചു മാത്രമേ
വീട്ടിലിരുന്നു കൊണ്ട്
ഒരുഗ്രന് വെള്ളച്ചാട്ടം
വരയ്ക്കാന് കഴിയൂ
അതിനാകട്ടെ പടുകൂറ്റന്
ചിറകുകളുളള
ഒരു വെളുത്ത പക്ഷിയാകുവാനേ
നിവര്ത്തി ഉള്ളൂ
